Mwandishi wa kitabu hiki, Al-Muswadiku K. Chamani alikuwa mwanafunzi mwenzangu katika Shule ya Sekondari Nyakato, Wilaya ya Bukoba, Mkoa wa Kagera. Baada ya hapo alijiunga na kozi ya ualimu na akafundisha shule kadhaa za msingi. Tulikutana tena Chuo Kikuu cha Dar Es Salaam sote tukiwa tunachukua shahada ya kwanza ya Elimu (ualimu). Baada ya masomo yote hayo, yeye alipangwa kufundisha katika vyuo vya maendeleo ya wananchi na akawa Mkuu wa Chuo, mimi nikaenda kufundisha shule za sekondari na hatimaye kuwa Mkuu wa Shule. Kutokana na bidii na juhudi yake ya kujiendeleza kimaarifa na kijamii alisoma tena masuala ya sheria na kufanikiwa kupata stashahada na shahada ya sheria na leo hii ni Wakili mwandamizi anayetegemewa na kuaminiwa sana na wapenda haki.

Pay with DPO

Pay Now