Bugufi si jina la eneo tu, bali ni hazina ya historia, utamaduni, urathi na maendeleo ya jamii ya Wahangaza. Kwa karne nyingi, eneo hili limekuwa makazi ya watu wenye mshikamano, bidii na maadili yaliyowezesha kujenga jamii imara iliyostahimili mabadiliko ya nyakati. Katika kitabu hiki, Mwandishi  Mzee Pius B. Ngeze anamwongoza msomaji katika safari ya kuvutia kuanzia asili ya Bugufi na Wahangaza, jiografia ya eneo, mfumo wa jadi wa maisha, utawala, utamaduni, dini, elimu, uchumi na mchango wa wananchi wake katika maendeleo ya Wilaya ya Ngara, Mkoa wa Kagera na Tanzania kwa ujumla. Kitabu pia kinachambua fursa na changamoto za maendeleo ya sasa pamoja na maono ya kuiendeleza Bugufi kwa manufaa ya vizazi vya leo na vijavyo. Kwa kuunganisha simulizi za jamii, maarifa ya kihistoria, rejea za kitaaluma na mapendekezo ya maendeleo, kitabu hiki ni mchango muhimu katika kuhifadhi urathi wa Wahangaza na kuhamasisha utafiti zaidi kuhusu historia ya Bugufi. Hiki ni kitabu muhimu kwa wanafunzi, walimu, watafiti, viongozi, watunga sera, maktaba na kila anayependa kuifahamu Bugufi, Wahangaza na nafasi yao katika historia na maendeleo ya Tanzania.

Pay with DPO

Pay Now